Nā Kānāwai ʻAhaʻōlelo

147 mea waihona | 55,830 kiʻi kikohoʻe | Hoʻokuʻu Kuleana | Kōkua no nā mea Kīnānā

He ho‘āhu nunui Ke Kānāwai Kau Mau Hawai‘i ma ka Waihona Palapala Kahiko o Hawaiʻi Mokuʻāina. Hōʻike ‘o Punawaiola i kēia papa helu piha pono nei mai ka makahiki 1843 ā ka makahiki 2005, he kenekulia kokoke. No nā kānāwai kau mau kumu, penei ka helu kāhea: KFH 25 .A24.

Ho‘opili ‘ia ka inoa kohu like ‘o “Session Laws” i nā ‘āpono o nā ‘aha kau kānāwai o ke Aupuni Mō‘ī Hawai‘i, ke Aupuni Kūikawā, ke Aupuni Pelekikena, ka Panalā‘au, a me nā Aupuni Moku‘āina. I ka hapa nui o ka manawa, kapa ‘ia nā mana ‘ōlelo Pelekania o nā ‘āpono pākahi mai nā kānāwai kau mau ‘o “law,” “statute,” a i ʻole “act,” a laila hō‘ulu‘ulu ‘ia ā ho‘opuka ‘ia lākou ma ke kaʻina makahiki me ka papa kuhikuhi a i ʻole ka papa kuhikuhi ‘ole.

Hō‘ike ‘ano ‘ia nā kānāwai kau mau o ka wā ma mua o ka ho‘opa‘a ‘ana o ka Moku‘āina o Hawai‘i. Eia kekahi la‘ana, kapa ‘ia ka puke mua o nā kānāwai kau mau o kēia waihona, “The Laws and Resolutions Passed at the Annual Council of the Hawaiian Nobles and Representatives Convened according to the Constitution, at Lahaina, April, 1843." No ka ho‘ohālike, kapa ‘ia kekahi puke i paʻi ‘ia ma ka wā o ka Panalā‘au o Hawai‘i, “Laws of the Territory of Hawaii Passed by the Legislature at Its Special Session, 1909."

Kapa ‘ia nā ‘aha kau kānāwai pēnei:

- ‘Aha Kūkā Kau Kānāwai (1841-1863) mai ka Hale ‘Aha‘ōlelo Ali‘i a me ka Hale ‘Aha‘ōlelo Lunamaka‘āinana
- Anaina Kau Kānāwai (1864-1892)
- ‘Aha Ho‘okō a me ‘Aha Kūkā, Aupuni Kūikawā (1893-1894)
- ‘Aha Ho‘okō a me ‘Aha Kūkā, Aupuni Pelekikena (1895)
- Anaina Kau Kānāwai, Kau Kūikawā, Aupuni Pelekikena (1895)
- ‘Aha Kau Kānāwai, Aupuni Pelekikena (1896-1900)
- ‘Aha Kau Kānāwai, Panalā‘au (1901-1959)
- ‘Aha Kau Kānāwai, Aupuni Moku‘āina (1959-current)

Aia kekahi mau loulou waihona no nā kānāwai kau ‘ānō a me nā kānāwai kau papa‘a (ā hiki i ka makahiki 1999): Hawaiʻi State Legislature Archives

Hiki nō ke loaʻa nā kiʻi i loko o kēia waihona ma ke kaomi ʻana o nā loulou waihona ma lalo iho nei.

Session Laws by Decade:
  • 1840-1849
  • 1850-1859
  • 1860-1869
  • 1870-1879
  • 1880-1889
  • 1890-1899
  • 1900-1909
  • 1910-1919
  • 1920-1929
  • 1930-1939
  • 1940-1949
  • 1950-1959
  • 1960-1969
  • 1970-1979
  • 1980-1989
  • 1990-1999
  • 2000-2005

    • © Ponokope 2018 - Ka Huli Ao | Hoʻokuʻu Kuleana | Kōkua no nā mea Kīnānā | Hoʻokaʻaʻike