No ka Waihona Kahn kēia mau palapala i hōʻiliʻili like ʻia ma muli o kō lākou ʻano like ma ke ʻano he moʻolelo, no ke kuanaʻike ʻōiwi ʻole, no nā hanana e pili pū ana i ka hoʻokahuli aupuni Hawaiʻi i ka makahiki 1893, a me nā hanana ʻē aʻe e pili pū ana i ka hoʻohui ʻia ʻana o Hawaiʻi ma lalo o ʻAmelika Hui Pū ʻia. Ua hiki ke ʻike ʻia ua kuanaʻike nei ma ka mea mua loa i helu ʻia mai ma lalo iho nei, ʻo ia hoʻi kekahi hōʻiliʻilina o nā leka i paʻi ʻia ma ka Honolulu Bulletin i ka makahiki 1893. ʻO ka hihia, ʻo ia hoʻi ka nīnau a kahi Mika Theo. H. Davies no ke "constitutionality of annexation." Ma kāna pane ʻana, ua wehewehe ʻo Mika C.J. Lyons, "No one at this end of the line pretends that the revolution of January, 1893, was constitutional. Revolutions are never constitutional." Eia hou aku kekahi laʻana ma ka puke a Krout iā ia ka ʻōlelo ʻana, "When I visited the Islands first, in 1893, I went prejudiced in favour of the natives, deeply sympathising with them because they had been dispossessed of their lawful possessions. A careful and conscientious study of the situation on the spot led me to change my views absolutely, and I perceived that whatever had been done had been done of necessity . . . ."

Hiki nō ke loaʻa nā kiʻi i loko o kēia waihona ma ke kaomi ʻana o nā loulou waihona ma lalo iho nei.