ʻAha Kuhina a me ʻAha Hoʻokō

Ma kēia waihona kikohoʻe, he 25 mea hoʻokomo pepa a me 4,832 kiʻi kikohoʻe o loko. Mai nā makahiki 1845-1894 i loaʻa maila ua poʻe palapala nei. ʻO kekahi o nā palapala o ia waihona, he mau palapala kumu, a ʻo kekahi hou aku, he mau mana o ua palapala kumu i kikokiko ʻia. E loaʻa nā palapala mai ka Papa Kuhikuhi no nā Palapala Kahiko (Finding Aid) ʻo ka Hawaiʻi State Archives Foreign Office and Executive (Pūkaʻina 422-423).

Ma ka Paukū 52 o ke Kumukānāwai o ka makahiki 1852, i hoʻoholo ʻia ma hope o ka wā i noho aliʻi ai ʻo Kauikeaouli, penei: “O na Kuhina o ke Alii he Ahakuhina ko lakou no ka Moi, ma na hana hooko o ke Aupuni.” Na ke aliʻi i koho iā lākou.

A mahope aku, ma lalo o ka Paukū 42 o ke Kumukānāwai o ka makahiki 1864 i hoʻoholo ʻia i ka wā i noho aliʻi ai ʻo Kamehameha V, ua hoʻololi ʻia ke ʻano o ka hoʻonoho ʻana o ka ʻAha Kuhina. ʻĪ maila, “Eia na hoa kuka o ka Aha Kuhina o ka Moi: o ke Kuhina no ko na Aina e, o ke Kuhina Kalaiaina, o ke Kuhina Waiwai, a me ka Loio Kuhina o ke Aupuni; a e noho lakou i mau hoa ma ka Ahakukakukamalu o ka Moi.”

I ka wā ma hope, ua lilo ka ʻAha Kuhina ka ʻAha Hoʻokō ma muli o ka palapala i kapa ʻia: “Proclamation Establishing a Provisional Government.” ʻO kēia palapala, na ia palapala no nā hanana e pili pū ana i ka hoʻokahuli kūʻē kānāwai ʻia ʻana o ke Aupuni ʻo Hawaiʻi i ka makahiki 1893, e hoʻonoho ʻia ai i ka ʻAha Hoʻokō. A eia mai nā mea o ua ʻAha nei: S.B. Dole, J.A. King, P.C. Jones, a W.O. Smith.

He mau palapala waiwai nui o kēia waihona no ka hoʻomaopopo ʻana i ka moʻolelo pili kānāwai o Hawaiʻi nei.

Please click on the following links to access this digitized collection.

  • Cabinet Council Minutes
  • Executive Council Collection
  • Minutes of the Executive Council