Ka Huli Ao

‘O Ka Huli Ao Center for Excellence in Native Hawaiian Law, he hui no ka hoʻonaʻauao, ka hana ʻimi naʻauao, ka hana e hoʻoikaika ana i kō kākou kaiāulu, a ka hana e mālama ana i nā palapala pili kānāwai (he mea pono e waiwai ai). He hana ma Ka Huli Ao, he hana kōkikiu ma ka noke ʻana ʻaoʻao nō kona. A laila, hana mākou penei i ka hoʻokō i kō mākou pahuhopu: e hāpai pū i nā ʻike kuʻuna like ʻole, ka moʻolelo o ka poʻe Hawaiʻi, a me ka ʻike o nā loio kūpuna. I loko pū o ua hana nei, ʻo ia nō ʻo Punawaiola, he waihona pūnaewele a Ka Huli Ao.

ʻO Punawaiola, he waihona ia e loaʻa mai ai ka ʻike kūhohonu e pili ana i ke kānāwai i hoʻopaʻa ʻia e nā loio kūpuna i pono ai kākou. He kaha pūnaewele ʻo Punawaiola no ka hōʻuluʻulu ʻana a me ka hoʻolaha ʻana i nā palapala pili kānāwai o ke au o ke Aupuni Mōʻī ma ke ʻano he waihona kiʻi kikohoʻe. Manaʻolana ʻia, e pā lehu a lehu ka ʻike o kō Punawaiola waihona i ka lehulehu.

Aloha

ʻŌlelo Hawaiʻi

O ka makaukau ma na Moolelo o kou Aina Makuahine ke keehina ike mua ma ke Kalaiaina e hiki ai ke paio no ka pono o ka Nohoʻna Aupuni ana.


Iosepa Mokuʻōhai Poepoe*

ʻO Punawaiola ke kaha pūnaewele ʻōlelo pālua mua loa ma ke kula loio ʻo William S. Richardson. Kākoʻo mākou i ka hoʻokumu ʻana i ka ʻōlelo Hawaiʻi, ʻo ia ka ʻōlelo kaiapuni o ke kula loio, ke aupuni, a i nā ʻAha Hoʻokolokolo a pau.

*Ioseph Mokuʻōhai Poepoe ʻO Iosepa Mokuohai Poepoe, he loio loea, he mea akeakamai, a he mea kākau. Ua ʻike pono ʻo ia—ʻaneʻane 115 makahiki i hala aku nei—e piʻi ka mana o nā Kānaka ʻŌiwi i ka hoʻonaʻauao ʻia ʻana o kō mākou moʻolelo.


No Ka Hoʻokikohoʻe ʻAna

Ua laulima pū me ka Waihona Palapala Kahiko ʻo Hawaiʻi Mokuʻāina a me LLMC Digital, a hōʻuluʻulu ʻia nā palapala kahiko like ʻole. Mai ka makahiki 2008 mai, alulike akula mākou me ka Waihona Palapala Kahiko ʻo Hawaiʻi Mokuʻāina i paʻi ʻia ai ka hapanui o nā ʻohina palapala pili kānāwai mai kēia waihona mai. No kekahi ʻike hou aku e pili ana i ka moʻolelo o Punawaiola, e heluhelu mai i kēia ʻatikala, ke ʻoluʻolu: The Realization of a Dream: A Digital Archives Partnership.


ʻŌlelo Mahalo na Alakaʻi

Welina e nā hoa makamaka i pae mai ma kēia kaha pūnaewele o Punawaiola. Hāʻawi manawaleʻa ʻia ʻo Punawaiola me ke aloha pumehana a me ka mahalo pau ʻole iā ʻoukou. He kaha pūnaewele ʻōlelo pālua mua loa ia e hoʻolaha ana i nā palapala pili kānāwai like ʻole no ka lehulehu ākea. A ʻo Punawaiola ke kaha pūnaewele ʻōlelo pālua mua loa ma ke kula loio ʻo William S. Richardson. He nui nō nā lima nāna i kūkulu i kēia kaha pūnaewele—no ka mea, ʻaʻole i hoʻāʻo mua ʻia he papahana me kēia ʻano nui ma ke kula loio.

Keith Johnston and Ray Wang, 2008

Ua komo ka hana ʻoluʻolu a kēlā me kēia kanaka i loko o nei kaha pūnawele, a ke mahalo nui ʻia aku nei ʻoukou pākahi a pau! Ua hāʻawi aku i kuʻu mahalo nui iā Raymond Wang, Keith Johnston (ʻ08), a me Il Ung-Jeong, i kō lākou kōkua ʻana mai iaʻu no ke kūkulu ʻia o kēia kaha pūnaewele. Ua nui pū kuʻu mahalo i nā kānaka i haku i nā ʻōlelo Hawaiʻi i hana ai ma Punawaiola: Iokana Aronowicz Esq., Kamakakaulani Gramberg (ʻ18), Leimomi Morgan Esq. (ʻ17), Liʻi Nahiwa (ʻ21), a me Kamalolo Koanui-Kong Esq. (ʻ17). A makemake wau e mahalo i nā mea kōkua, ʻo ia hoi, Kaleio Cromwell (ʻ20), Rachel Figueroa (ʻ16), Kealiʻi MacKenzie, Brittanie Nery, Mason Yano, a me Zeslie Zablan.

Ua pōmaikaʻi nō wau i nā kumu ʻelua iā Lalepa Koga lāua me Kapali Lyon. Mahalo nui iā lāua no kō lāua kākoʻo ʻana mai iaʻu. A ʻoi loa aku kō Lalepa kōkua ma ʻō aku o ka hoʻoponopono pilinaʻōlelo a pela huaʻōlelo paha. Akā nō naʻe, inā ua koe iki kahi mau paʻi hewa o loko nei, noʻu wale iho nō ka hewa.

Me ke aloha pumehana,
Avis Kuuipoleialoha Poai

Collection Images
Loio Kuhina 3,161
Komisina o nā ʻĀina Mōʻī 2,381
FO & Ex: Waihona Manawa 27,089
FO & Ex: Waihona Helu 1,011
Nā Palapala Hoʻolimalima a me nā Palapala Waiwai 237
Komisina o nā Ala Liʻiliʻi a me nā Pono Wai 913
ʻAha Kūkāmalū 11,375
ʻAha Kuhina a me ʻAha Hoʻokō 4,832
Nā Palapala o ka ʻAha Hoʻokolokolo 755
Nā Hihia Wai 3,645
Nā Palapala ʻOihana o ka ʻAhaʻōlelo 16,357
Nā Kuʻikahi 6,016
Nā Kumukānāwai 2,691
Nā Kānāwai Mua a me nā Kānawai Hope 8,744
Nā Kānāwai ʻAhaʻōlelo 55,783
Nā ʻŌlelo Hoʻoholo o ka ʻAha Hoʻokolokolo Kākau 11,090
Kahn 30,862
Wainiha 225
ʻOhina Palapala Na KHA 3,637
Heluna 191,440
0 +

Nā Helu Kiʻi

0 +

Nā ʻOhina Palapala Apau

0 +

Hana Hoʻokikohoʻe Hou